Jóannes Eidesgaard sigur, at tað var eisini meiningin, men at tann persónurin, sum talan var um, leyp frá. Flokkurin hevur tosað við einar fimm persónar um hetta starvið, men eingin hevur bitið á, tá til stykkis kom.
Tað er mikið áhugavert, at ein flokkurin arbeiðir við slíkum ætlanum. Tí hetta er tað sum manglar hjá flokkunum. Flokkarnir í Føroyum arbeiða sum glaðir amatørar, lítið skil er á boðskapinum, og sum heild duga politisku umboðini illa at stuðla hvørjum øðrum, øll vilja hava eina meining um alt - og skulu markera seg í øllum málum.
Javnaðarflokkurin hevur tað fram um allar hinar flokkarnar, at hann eigur nógvar milliónir á bók, tí flokkurin seldi í 2006 Sosialin fyri 10 milliónir krónur.
Tí kann nýggja leiðslan – um hon vil – seta fólk og spunasmiðir, og rættiliga gera seg galdandi í nýggju miðlum á netinum sum Facebook, Twitter og ørðum, sum í hesum døgum eru við at fella fleiri arabiskar einaræðisharrar.
Eitt er vist, at svevur Javnaðarflokkurin víðari – og verður tað barnsliga fjasið um Gerhard Lognberg, sum skal seta dagsskránna, so er slagið longu tapt...
Nú er lagaliga løtan...
