Hvat er hugnaligari enn ein góðveðursdagur í Vágsbotni við nógvum lívi, glaðum fólkum og práti manna millum?
Í allan dag hevur nógv fólk verið í Vágsbotni, bæði á torginum, har Nólsoyar Páll stendur so rættur og undir Bryggjubakka, har fólk sita á kafé og onnur forvitnast eftir, hvat er til sølu á marknaðarplássinum.
Tá ein føroyskur bátur í morgun kom aftur at landi við 11 kalvum, var hetta fyri mong eisini ein forvitnisllig sjón.
Á marknaðarplássinum er fiskur og ymiskir úrdráttir úr fiski seldir, her hevur verið turr grind og spik, og her hevur verið skoldaður gamal náti.
Enn standa fólk og selja á marknaðarplássinum, og framvegis er góðveður í Vágsbotni, um onkur skuldi farið at mungað eftir einum góðum føroyskum bita.
