Tórshavnar kommuna heitir nú á fólk og virki í Hoyvík, Hvítanesi og á Hjalla um at spara upp á vatnið í dag.
In.fo skrivaði í morgun, at stórur leki hevur verið á høvuðsvatnleiðingini á Vegnum Langa í nátt.
Hóast vatnlekin nú er tettur, kemur brekið at ávirka vatnveitingina í stórum parti av Hoyvíkini, til umvælingin er liðug seinni í dag.
– Fólk og virkir í Hoyvik, Hvítanesi og inni á Hjalla verða biðin um at spara mest møguligt uppá vatnið, sigur Tórshavnar kommuna.
