Høgni Hoydal er í uppskoti til formansskapin í Norðurlandaráðnum.
Tað er vinstivongurin í Danmark, sum stillar formannin í Tjóðveldi upp, og hetta verður so fyrstu ferð, at ein føroyingur situr í formansskapinum í Norðurlandaráðnum.
Høgna Hoydal hevur áður staðið í boði at gerast formaður í Norðurlandaráðnum, men hann tók ikki av ta ferðina.
Tað er lítið sannlíkt, at Høgni Hoydal ikki verður valdur, nú hann er í uppskoti.
Høgni Hoydal váttar, at hann er í uppskoti til formansskapin í Norðurlandaráðnum, men vil annars ikki gera viðmerkingar til málið, fyrr enn valið er av hósdagin í komandi viku.
