Tað var um tveytíðina, at ein maður ringdi til løgregluna og boðaði frá, at ein maður gekk í býnum og leitaði eftir einum manni, sum hann hótti við at beina fyri.
Løgreglan fekk at vita, hvar tann hóttandi maðurin var, og tríggjar minuttir eftir fráboðanina varð maðurin tikin.
Vakthavandi á løgreglustøðini í Havn sigur, at maðurin helt framvegis uppá, at hann skuldi beina fyri hinum manninum, og tí var einki annað at gera enn at handtaka mannin og at koyra hann í varðhaldið. Hann verður avhoyrdur seinni í dag.
Revsingin fyri at hótta fólk eftir lívinum er upp í tvey ára fongsul.
