Hotel Hilton tríggjar milliónir í halli

Bruttovinnigurin hjá Hotel Atlantic, sum rekur Hotel Hilton Gatden in, var í fjør 2,4 nmilliónir krónur. Starvsfólkakostnaðurin var 5,3 milliónir krónur. Úrslitið áðrenn rentur er minus 3,4 milliónir krónur, sum gevur eitt ársúrslit upp á minus 2,927 milliónir krónur.

Felagið skrivar í ársfrásøgnini, at hotellraksturin hevur fyrstu tíðina gingið betri enn væntað, orsakað av lutfalsliga góðari undirtøku frá fólki, búsitandi í Føroyum, bæði í sambandi við gisting, matstovu og fundar­ og veitsluvirksemi. Covid­19 farsóttin og ferðaavmarkingar hava við sær, at talið av ferðafólkum úr øðrum londum hevur verið ógvuliga avmarkað.

Felagið skrivar, at úrslitið upp á 2,9 mió. kr. í halli eftir skatt er betri enn væntað í fíggjarætlan felagsins. Eginognin pr. 31. desember 2020 er 21,7 mió. kr. og fíggjarstøðan javnvigar við 60 mió. kr. Tøkur peningur var 3,5 mió. kr. við árslok 2020.

##med2##

Orsakað av koronafarsóttini er avtala gjørd um av­ dráttarskáa fram til árslok 2021, ið ætlandi fer at tryggja gjaldførið í farsóttartíðini. 

Fyrstu seks árini hevur móðurfelagið hjá hotellinum, Atlantic Airways, bundið seg til at trygg­ja, at hotellið megnar at halda sínar fíggjarligu skyldur.

Stjóri í felagnum er Martin W. Restorff

Í nevndini eru: Niels Mortensen, formaður

Allan L. Agerholm

Jóhanna á Bergi

Laila Ísheim Hentze

Marius Davidsen