Svenski landsliðsvenjarin í fótbólti, Lars Lagerback, fekk í nátt vitjan av illum monnum. Menninir lupu á húsini hjá Lagerback, tveittu steinar móti húsunum og brutu blómukassar. Okkurt vindeyga reyk eisini. Harafturat hongdu teir eitt skelti upp við orðunum Gevst, Lars . Svenska løgreglan kannar nú hendingina, men enn er eisini handtikin fyri herverkið. Svenski landsliðsvenjarin hevur verið undir trýsti eftir HM og eftir at Svøríki í farnu viku tapti 3-0 ímóti Týsklandi í venjingardysti.
