Dorete Bloch Danielsen var ein kveikjandi undirvísari. Men tað var ein endurspegling av, at hon var ein so góður granskari. Tað sigur Hans Pauli Joensen, dekanur á Fróðskaparsetrinum, nú hann minnist Dorete Bloch Danielsen, sum doyði leygardagin 71 ára gomul.
Hon er úr Rungsted, Hørsholm, og varð cand. scient. í djórafrøði, zoologi og í 1974 kom hon í starv á Fróðskaparsetrinum í Føroyum
Hon var ein av akkersfólkunum, tá i Setrið fór undir at bjóða bachelorútbúgvingar í áttatiárunum og við síni kveikjandi undirvísing, hevur hon giviðmongum lesandi íblástur til at taka hægri útbúgving í lívfrøði. Men í almenninginum er hon helst best kend sum granskari.
Men hon man vera best kend innan hvalagransking, har hon m.a. fekk nógvar virdar granskarar at vera í kanningum av grindahvali í áttatiárunum. - Eitt sterkt altjóða vísindaligt netverk varð bygt upp í sambandi við grindakanningarnar, sigur Hans Pauli Joensen. Í 1994 vardi hon doktararitgerð sína um grindahval í Norðuratlantshavi.
Dorete legði stóran dent á at miðla sína gransking við vísindaligum útgávum. Hinvegin gav hon eisini á ymiskan hátt almenninginum innlit í sína gransking, t.d. tá hon fyrst í hesi øldini var við til at fáa radiosendarar settar á grindahvalir, soleiðis at bæði granskarar og almenningur kundi fylgja við ferðing teirra á heimasíðuni hjá Náttúrugripasavninum, sigur dekanurin.
Les eisini: Minningarorð um Dorete Bloch Danielsen |
