Roger Saxon, økisleiðari, og Gillian Coghill, borgarstjóri í Caithness í Skotlandi, hava nú skrivliga boðað Jógvani Skorheim, borgarstjóra í Klaksvík, frá, at tey ynskja at varðveita og styrkja sambandið millum Wick og Klaksvík.
Sostatt ganga tey beint ímóti fráboðanini, kommunustýrislimurin, Gail Ross, í august í fjør sendi Klaksvíkar kommunu um, at vinarbýarsamstarvið, sum annars hevur verið síðani 1995, kundi ikki halda fram, tí føroyingar drepa grind.
Wick er ein av 19 býum í Caitness-landspartinum, og bæði Saxon og Coghill gera í nýggja brævinum greitt, at meirilutin í stjórnini í Caithness ikki stóð aftan fyri áheitanina, sum Gail Ross av sínum eintingum sendi Klaksvíkar kommunu.
Jógvan Skorheim, borgarstjóri í Klaksvík, er sera fegin um, at tey, ið varða av Wick, hava tikið sær betri partar fyri, og greiddi nærri frá í Rás 2.
Trýst á pílin undir myndini fyri at hoyra samrøðuna við Rás 2.
