Føroyski landsliðsveteranurin, Christian Lamhauge Holst og liðfelagarnir í Fremad Amager vunnu teirra fyrsta heimadyst í hesum kappingarárinum í triðbestu donsku fótbóltsdeildini í dag.
Fremad Amager tók ímóti gamla høvuðsstaðarfelagnum B93 í dag, og endaði dysturin við 2-0 heimasigri til Fremad Amager.
Christian Lamhauge Holst legði Fremad Amager á odda longu tá fimm minuttir vóru farnir. 1-0 varð eisini hálvleiksstøðan. 11 minuttir undan dystarloki økti Niklas Mortensen til 2-0, og staðfesti sigurin hjá Fremad Amager.
Fremad Amager hevur fýra stig aftaná tríggjar dystir í donsku 2. deild bólki B. Fremad Amager er nummar trý av teimum átta liðunum í bólki B.
