Christian Lamhauge Holst spældi bert ein hálvleik við Lyngby, tá liðið spældi venjingardyst leygardagin. Dysturin var ímóti Køge, har Henrik Larsen er venjari. Holst legði Lyngby á odda 1-0 í fyrra hálvleiki, og so varð hann skiftur út, so hann kundi skunda sær til flogvøllin í Kastrup, har hann skuldi ferðast saman við føroyska fótbóltslandsliðnum, sum verður á venjingarlegu í Spania næstu vikuna. Lyngby vann dystin 2-1.
