– Sum foreldur í Føroyum føla vit, konan og eg, at ein bólkur av Guds skapningum enn ikki hevur fingið virðiliga viðferð av ávísum bólkum í almenna rúminum, og tað eru tey samkyndu. Og okkara samkyndi sonur býr av øllum býum í München, hann hevur valt tann býin fram um Føroyar.
Soleiðis sigur Petur Rouch, í einum av filmunum, sum Nám hevur gjørt í sambandi við Holocaustdagin, sum er í dag.
Nám hevur gjørt tríggjar stuttfilmar um Holocaust, har føroyingar siga frá. Tóra við Keldu sigur frá um tey, sum bera brek, og tí vórðu fyribeind Í Nazitýsklandi undir krígnum. Í dag kundi tað verið eg, sigur Tóra.
##med2##
Petur Rouch greiðir frá um ferð, hann og konan gjørdu til München at vitja samkynda sonin, Búa. Tað var her at nazisman fekk undirtøku og fyrsta týningarlegan, Dachau, varð tikin í brúk.
##med3##
Við einum skjalprógvaðum dømi, greiðir Maigun Solmunde frá um, hvussu føroyingar í Danmark hjálptu jødum at flýggja undan nazistunum undir krígnum.
##med4##
https://www.youtube.com/watch?time_continue=1&v=MK1yuyLIoF8&feature=emb_logo
https://www.youtube.com/watch?v=6WqDwRpbU2I
https://www.youtube.com/watch?v=SFf_-RpRrh8&feature=emb_logo
