Tað gjørdist kamarkórið úr høvuðsstaðnum, Tórshavnar Kamarkór, ið vann FMA virðislønina fyri Ársins bólk/kór í opnabólkinum.
Kórið gav í fjør út fløguna Kvøldtankar í samband við, at tað vóru tretivu ár síðani, at kórið varð sett á stovn. Á útgávuni vóru 14 føroyskir sangir.
Tað er Bernharður Wilkinson, ið hevur stjórnað kórinum seinastu sjey árini.
Hini, ið vóru tilnevnd til Ársins bólk/kór vóru Alda Magna og Føroya Symfoniorkestur.
