Hørður H. Askham var aftur við frá byrjan í dag, tá hann og liðfelagarnir í AB tóku móti Brabrand á heimavølli í Gladsaxe í triðbestu donsku fótbóltsdeildini.
AB mátti aftur í dag taka til takkar við javnleiki. Dysturin endaði við javnleiki 1-1.
Brabrand kom á odda tá ein hálvur tími var leiktur. Niðurlendski Tim Freriks javnaði fyri AB miðskeiðis í seinna hálvleiki.
AB hevur tvey stig fyri tveir dystir, og er nummar níggju í deildini.
Komandi fríggjakvøld tekur AB móti HIK á leikvøllinum í Gladsaxe.
