Tað var brøðrauppgerð millum Rógva og Høgna Egilstoft Nielsen úr Sandavági í kvøld í FM kappingini í talvi, sum í hesum døgum er í Skúlanum við Ósánna í Klaksvík. Eftir stórt drama endaði tað við, at yngri beiggin, Høgni, sum telvaði við svarta fólkinum, vann.
Eina løtu sá tað út til, at Rógvi stóð betri, men tá ið hann var noyddur at lata rókin fyri at Høgni ikki skuldi fáa frúgv, so koppaði tað Høgna til fyrimunar. Fyrr á degnum vann Rógvi Egilstoft Nielsen útsetta talvið ímóti Margar M. Berg.
Eftir trý umfør er Høgni Egilstoft Nielsen einsamallur á odda við fullum stigatali. Eitt hálvt stig aftanfyri er Martin Poulsen, sum í dag vann á Rana Nolsøe. Ólavur Simonsen, sum í dag telvaði remis ímóti Hans Kristian Simonsen, er saman við Rógva Egilstoft Nielsen á fjórða plássi við 2,0 stigum.
Úrslit í 3. umfari
Tummas Martin Sólsker-Rani Baldursson ½ - ½
Martin Poulsen-Rani Nolsøe 1-0
Hans Kristian Simonsen-Ólavur Simonsen ½ - ½
Margar M. Berg-Heiðrikur T. Jacobsen ½ - ½
Rógvi Egilstoft Nielsen-Høgni Egilstoft Nielsen 0-1
Støðan eftir trý umfør
Høgni Egilstoft Nielsen 3 stig
Martin Poulsen 2 ½ stig
Ólavur Simonsen 2 stig
Rógvi Egilstoft Nielsen 2 stig
Hans Kristian Simonsen 1 ½ stig
Rani Nolsøe 1 ½ stig
Rani Baldursson 1 stig
Tummas Martin Sólsker ½ stig
Margar M. Berg ½ stig
Heiðrikur T. Jacobsen ½ stig
4. umfar verður týsdagin klokkan 17.00:
Rani Baldursson-Høgni Egilstoft Nielsen
Heiðrikur T. Jacobsen-Rógvi Egilstoft Nielsen
Ólavur Simonsen-Margar M. Berg
Rani Nolsøe-Hans Kristian Simonsen
Tummas Martin Sólsker-Martin Poulsen
