Japan vann í dag fyrsta dystin í bólki H. Japan vann 2-1 á Kolumbia, sum fekk Carlos Sanchez útvístan eftir bara tríggjar minuttir. Tað er næst skjótasta útvísingin í einum HM-endaspælið nakrantíð. Tað skjótasta var Jose Batista hjá Uruguay ímóti Skotlandi í setanardystinum í 1986, sum kom longu í 1. minutti.
Dysturin er bara smáar tríggjar minuttir gamal, tá miðvallarin brúkar hondina til hjálpar. Japan er í góðari støðu og ongin málverji er í mál, tá fyrrverandi Aston Villa miðvallarin bjargar við hondini. Shinji Kagawa úr Borussia Dortmund skoraði upp á brotssparkið.
Kolumbia svaraði annars væl aftur. Stutt fyri hálvleik skoraði Juan Quintero hegnisliga upp á fríspark, tá hann skjeyt undir manngarðin og í mál. Brúk var fyri máltøkni, fyri at staðfesta at bólturin var innanfyri.
Í seinna hálvleiki trýsti Japan við einum spælari í yvirtal. Eitt stórt korter fyri tíð stútaði Yuya Osako eitt hornaspark í mál til 2-1, sum eisini bleiv úrslitið. Tó skal nevnast, at Kolumbia trýsti óført seinastu løtuna løtuna.
Klokkan 16 spæla Pólland og Senegal, sum eisini eru í bólki H.
Bólkur H:
Kolumbia – Japan 1-2 (1-1)
0-1 Shinji Kagawa, 6 br
1-1 Juan Quintero, 39
1-2 Yuya Osako
