Fýra føroyingar eru í hesum døgum við í heimstmeistarakappingini í svimjing, sum verður hildin í Barcelona.
Poula Øssursdóttir Mohr skal í dag luttaka í kappingini 100 metrar firvald.
Okkara fremsti svimjari, Pál Joensen, skal svimja í kappingunum, 800 metrar frí og 1500 metrar frí. Týsdagin 30. juli er fyrsta kappingin hjá honum, sum er 800 metrar frí.
Og leygardagin 3. august er 1500 metrar frí á skránni.
Hinir føroysku svimjarnir eru Bartal Heystoy og Birita Debes.
Bartal Heystoy luttekur í kappingunum, 200 metrar blandað og 400 metrar blandað. Birita Debes í 50 metrar rygg og 100 metrar rygg.
Tað ið vilja síggja kappingina kunnu fylgja við á Eurosport.
