Tað er nú greitt, at Týskland og Serbia hava vunnið seg víðari úr HM-bólki C, ið verður leiktur í Stuttgart.
Serbia vann tepran 27-26 sigur á Íslandi. Í steðginum var Serbia frammanfyri við seks málum, 19-13. Í seinna hálvleiki avrikaði Ísland munandi betur, men tað rakk akkurát ikki til stig.
Sambært Morgunblaðnum var gongdin í dystinum hendan: 3:2, 6:5, 10:9, 17:12, 19:13, 21:14, 22:17, 24:19, 25:21, 25:24, 27:26.
Toppskjúttar hjá Serbia vóru Katarina Krpez Slezak og Jovana Skrobic, báðar við sjey málum. Toppskjúttar hjá Íslandi vóru Elín Klara Þorkelsdóttir og Sandra Erlingsdóttir, báðar við fimm málum.
Týskland vann ein knúsandi 38-12 (15-7) sigur á Uruguay.
Toppskjúttar hjá Týsklandi vóru Nieke Kühne og Nina Engel, báðar við sjey málum.
Týskland og Serbia hava fýra stig hvør, meðan Ísland og Uruguay einki stig hava.
Bólkur C, Stuttgart, Týskland:
26. november:
Týskland – Ísland 32-25
Serbia – Uruguay 31-19
28. november:
Uruguay – Týskland 12-38
Serbia – Ísland 27-26
30. november:
Ísland – Uruguay, kl. 14.30.
Týskland – Serbia, kl. 17.
