Nú innleiðandi bólkaspælið í U21 HM-endaspælinum í Týsklandi er liðugt kunnu vit gleðiliga staðfesta, at Føroyar eiga tveir av trimum teimum fremstu toppskjúttunum í HM-endaspælinum.
Elias Ellefsen á Skipagøtu og Naoki Fujisaka hava skotið 26 mál hvør. Elias hevur skotið 26 mál upp á 39 málroyndir. Naoki Fujisaka hevur skotið 26 mál upp á 42 málroyndir.
Nummar trý á listanum er Hákun West av Teigum við 24 málum. Hákun hevur skotið 24 mál upp á 30 málroyndir.
Í hølunum á Hákuni koma Omar Mohamed úr Egyptalandi og Mohamed Rabia úr Bahrain við 23 málum hvør.
Elias er fremst á assist-listanum. Elias hevur higartil havt 23 málgevandi sendingar. Andri Már Rúnarsson úr Íslandi er nummar tvey á listanum við 16 málgevandi sendingum.
##med2##
