Hernaðarstýrið vil fegið hava hjálp, men vil ikki lata fremmand hjálparfólk fáa innferðarloyvi Hóast altjóða samfelagið og fleiri hjálparfelagsskapir hava boðið sær til at hjálpa teimum neyðstøddu eftir ódnarveðrið í Burma, kann tað gerast trupult at fáa hjálpina fram.
Eva Pineda Hansen hjá Neyðhjálp Fólkakirkjunnar sigur við danska kringvarpið, at hernaðarstýrið tekur av tilboðum um hjálp, men at stýrið sýtir fyri at lata útlendsk hjálparfólk sleppa inn í landið.
Hjálparfelagsskapir halda, at ódnin kann hava kravt umleið 50.000 mannalív, og at meiri enn tvær milliónir fólk hava mist hús og heim.
