Dómsvaldið í Haiti sýtti fyri at leyslata tey 10 amerikonsku hjálparfólkini, sum eru skuldsett fyri at hava ætlað at burturflyta 10 børn úr Haiti. Amerikanararnir vórðu tiknir fyri einari viku síðani, tá tey vóru á veg um markið til Domonikanska Lýðveldið við 33 børnum. Verji teirra, Edwin Coq, hevði kravt, at tey blivu latin leys, men dómarin sýtti fyri at gera eftir kravinum, skrivar AFP.
Teir 10 amerikanararnir, sum eru úr einari brøðrasamkomu í statinum Idaho, hava víst skuldingini um burturflyting aftur. Tey siga, at ætlanin var bara at hjálpa teimum foreldraleysu børnunum til eina betri tilveru.
Verða tey 10 funnin sek í barnasmugling, kunnu tey fáa upp í níggju ára fongsul, skrivar AFP.
