Fyrr í morgun frættist, at ísraelski herurin hevur lopið á fleiri Hizbollah-mál í syðra parti av Libanon í dag.
Nú veit tíðindastovan Reuters at siga, at ein Hizbollah-leiðari, sum ikki verður navngivin, er dripin í ísraelsku álopunum.
Sagt verður, at sami Hizbollah-leiðari áður er særdur í málrættaður ísraelskum álopum í Libanon.
Tað var í morgun, at ísraelski herurin visti at siga, at jagaraflogfør høvdu rakt fleiri mál hjá hernaðarliga felagsskapinum.
Iran stuðlar Hizbollah í Libanon hernaðarlig.
Stríðið millum Hizbollah-felagsskapin í Libanon og Ísrael hevur ment seg, síðan Ísrael gjørdi innrás í Gaza.
Partarnir hava við jøvnum millumbilum sent rakettir eftir hvørjum øðrum á markinum millum Ísrael og Libanon.
