Gamla metið, sum nú er sligið við 1,4 stigi, er frá 13. august í 2004.
Veðurstovan - DMI - sigur í tíðindaskrivi, sum Sermitsiaq eisini endurgevur, at eitt hátrýst hevur ligið yvir økinum, og tað hevur eisini verið rættiliga stilt.
Floghavnin og Scoresbysund - ella Ittoqqortoormiit - liggja á hvør sínari síðu á fjørðinum, og kring fjørðin eru høg fjøll.
Tá eingin vindur liggur inn í fjørðin, halda fjøllini kring fjørðin hitanum.
- Tá sólin skínur, verður luftin bara heitari og heitari, sum dagarnir ganga, sigur veðurlagsfrøðingurin hjá DMI, John Cappelen.
Eftir hitametið hósdagin hin 29. juli á 23,4 stig, er hitin í Scoresbysund nú meira vanligur aftur, eini 9-14 stig.
