Ekvador livir enn í vónini at røkka 1/8 finalunum eftir 2-1 sigurin ímóti Honduras, samstundis, sum Sveis tapti ímóti Fraklandi. Nú hava bæði Sveis og Ekvador 3 stig í part, meðan Frakland hevur seks stig. Ekvador hevur betri málmun enn Sveis.
Tað var tó Honduras, sum kom á odda í 31. minutti við málið hjá Carlo Costly. Málið gjørdist søguligt á tann hátt, at talan er um fyrsta HM-málið hjá Honduras í einum HM-endaspælið í 32 ár.
Gleðin var tó stokkut hjá Honduras, tí longu tríggjar minuttir seinni hevði Enner Valencia javnað til 1-1, og í 65. minutti lá Enner Valencia aftur framvið, og skoraði sigursmálið. Málið var triðja málið hjá honum í hesum endaspælinum. Sostatt er tað Enner Valencia, og ikki Antonio Valencia, sum er tann stóra hetjan hjá Ekvador.
Honduras-Ekvador 1-2 (1-1)
1-0 Carly Costly (31. min)
1-1 Enner Valencia (34. min)
1-2 Enner Valencia (65. min)
Lið | Dystir | V | J | T | Fyri | Móti | Málmunur | Stig |
|---|---|---|---|---|---|---|---|---|
| Frakland | 2 | 2 | 0 | 0 | 8 | 2 | +6 | 6 |
| Ekvador | 2 | 1 | 0 | 1 | 3 | 3 | 0 | 3 |
| Sveis | 2 | 1 | 0 | 1 | 4 | 6 | −2 | 3 |
| Honduras | 2 | 0 | 0 | 2 | 1 | 5 | −4 | 0 |
