Adrian R. Justinussen, Daniel Johansen og liðfelagarnir í Hillerød, ið spælir í næstbestu donsku fótbóltsdeildini spældu í venjingardyst á heimavølli móti gamla liðnum hjá Finni Justinussen, Næstved, ið spælir í triðbestu donsku fótbóltsdeildini.
Tað bleiv liðið úr triðbestu deildini, ið vann dystin. Næstved vann dystin 2-1. Í steðginum var Næstved á odda 2-0. Saman Jalaei skoraði málið hjá Hillerød.
Komandi leygardag klokkan 13 spælir Hillerød venjingardyst á útivølli móti gamla liðnum hjá Brandi H. Olsen og Viljormi Davidsen, Helsingborg.
Hillerød spælir fyrsta kappingardystin 21. februar. Tá tekur Hillerød á heimavølli móti greiða oddaliðnum í deildini, OB.
