Heystglóð við fjálgu heystlitunum, heystmati og heystfrítíð fer í morgin at savna fólk í einum fjølbroyttum og livandi degi í Klaksvík.
Her fara tónleikur, list, søgur og matrávørur at skapa upplivingar fyri allar aldursbólkar.
- Hetta verður ein hátíðardagur, sum sameinir siðvenjur og nýskapandi hugskot og gevur rúm fyri bæði gleði, íblástri og felagsskapi.
Á heysttiltakinum verða matmarknaður, matverkstova, listaframsýningar, fyrilestrar, tyrla, brandstøð, sjúkrabilar og konsertir, og handlar í Klaksvík fara at hava opið til klokkan 20.
Heystglóð verður sett á Spinnarínum í Klaksvík í morgin, leygardagin 11. oktober klokkan 14.
Tað verður forkvinnan í mentanarnevndini hjá Klaksvíkar kommunu, Signhild Vilhelmsdóttir Johannesen, sum fer at seta tiltakið, og við setanina verða vakrir tónar frá Astu Højgaard og Mads á Heyggi at hoyra.
##med2##
Øll skráin fyri frálíka heysttiltakið kann síggjast á https://visitnorth.fo/heystglod og á Facebook-vanganum, Heystglóð.
- Øll eru hjartaliga vælkomin á Heystglóð í Klaksvík, siga tey, sum standa aftanfyri tiltakið, sum verður í Klaksvík í morgin, 11. oktober.
