Heystfagnaðurin á Eiði byrjaði í 2014, og hevur verið hvørt heyst síðan. Á heimasíðuni hjá Eiðis Kommunu, stendur at Heystfagnaðurin eisini verður róptur Føroya bygdasligasta tiltak. Ætlanin við tiltakinum er at varpa ljós á siðbundna føroyska bygdalívið, sum enn livur í dag og ikki minst um heystið.
Skráðin er stór, nógvar bygdasligar kappingar eru, millum annað hvør dugur best at fletta seyð og hvør ger tí bestu rullipylsuna.
Eiðis kommuna stendur fyri tiltakinum sum er ógvuliga fjølment, har eru tiltøk til bæði børn og vaksin, og alt tekur støðið í føroyskum siðvenjum.
- Tað er sum ein ferð aftur í tíðina, vit leggja dent á at alt er so føroyskt og siðbundið sum gjørligt, sigur Alda Egilstrøð Magnussen, ein av fyriskiparunum.
Luttøkan til heystfagnaðin er ógvuliga góð, serliga er tað bygdafólki og fólk ættaði av Eiði sum luttaka, sigur Alda Egilstrøð Magnussen. Enntá útisetar ferðast heim til tiltakið. Umframt tað, eru eisini fólk aðrastaðni frá, og ferðafólk, so luttøkan er bara góð, leggur Alda Egilstrøð Magnussen afturat.
Skráðin til Heystfagnaðin á Eiði er ikki sum aðrar skráðir, hon er tengd at føroyskum siðvenjum, og kappingum um rullipylsur og fletting av seyði.
- FM í fletting er ein av teimum størstu tiltøkunum á Heystfagnaðinum, tað ræður um hvør er skjótastur at fletta, og hesin persóur verður so kosin Føroya Meistari í fletting, sigur Alda Egilstrøð Magnussen.
Tiltakið heldur til har lívið í bygdini var fyrr, niðri við neystini. Øll neystini vera ruddaði, so flyta vit sofur og hanga perur upp so tað gerst hugnaligt. Eisini gerast summi neyst um til lítlar sølubásar, har man kann keypa pannukøkur ella okkurt annað leskiligt, sigur Alda Egilstrøð Magnussen.
Tiltøkini til børn eru áðrenn kl. 16.00, og eru eisini tengd at føroysku siðvenjuni. Millum annað ber til hjá børnum at tøva ymiskt, pussa horn, og so er eisini villingarrætt gjørd, og søgulestnaður. Til berð eisini hjá børnunum at vera við í fletting, tá tey vaksnu fletta eina kúgv, og so tá frálærufletting av seyðið er.
Heystfagnaður byrjar í dag, men flestu tiltøkini verða í morgin.
Umleið 800-1000 fólk plaga at luttaka á Heystfagnaðinum, sigur Alda Egilstrøð Magnussen at enda.
