Gongur tað, sum tann 69 ára gamli Kenichi Horie ætlar, fer ferðin úr Hawaii til Japan at taka hálvan triðja mánað. Men hetta er ikki nakar vanligur túrur. Í fyrra lagi hevur hann smíðað bátin úr tómum ølblikkum, og í øðrum lagi er tað hvørki motorur ella segl, men alduorka, sum gevur bátinum ferð.
Kenichi Horie er umhvørvisvinur, og ferðir millum Hawaii og Japan er ikki hansara fyrsta "grøna" ferð á sjónum. Í 1992 sigldi hann úr Hawaai til japonsku oynna Okinawa við einum báti, sum sigldi við pedalorku. Fýra ár seinni, í 1996, var hann aftur á ferð, og hesaferð sigldi hann tvørtur um Kyrrahavið bið einum báti, sum sigldi við sólorku. Tann báturin var eisini smíðaður úr ølblikkum.
