- Eg havi trivist væl í politiska umhvørvinum, men hetta var ein avbjóðing, sum eg ikki kundi siga nei til, sigur Bárður á Steig Nielsen, sum í dag fer frá sum landsstýrismaður við fíggjarmálum. Hann verður nú stjóri fyri Stórutjørn Átta mánaðir undan løgtingsvalinum gevst Bárður á Steig Nielsen í politikki fyri at taka við eini nýggjari avbjóðing í privata vinnulívinum.
- Eg fekk starvi í boði fyri 16 døgum síðani, og fyrsti tankin var, at eg hevði ikki hug at taka av. Men eftir at hugsa meg um, kom eg til ta niðurstøðu, at eg kundi ikki siga nei til hesa avbjóðing. Tað var ein trupul avgerð, men hon er tikin, sigur fráfarandi landsstýrismaðurin.
Bárður Nielsen fer frá sum landsstýrismaður í dag, og hann tekur við starvinum sum stjóri í Stórutjørn.
