Jóannes skýrdi Dánjal Johansen, valevni Miðflokksins at vera ein lygnara, tí Dánjal á valfundi á Giljanesi 23. apríl hevði sagt, at hann (Dánjal) saman við starvsfólki á flakavirkinum tók stig til at mótmæla ætlanunum hjá Fiskavirking at lata virkið í Miðvági aftur - og saman við 500 undirskiftum handaði mótmælisskrivið.
Vit arbeiðsfólk á Fiskavirking í Miðvági kenna veruleikan!
Vit skulu siga Jóannesi somikið, at var hetta ikki gjørt tá, so stóðu vit arbeiðsleys í dag!
Hvat var lygn Jóannes?
Var tað lygn, at Dánjal tók stig til mótmæli? Nei - og tað skuldu vit vita best, sum her starvast!
Var tað lygn, at hann var í Havn saman við starvsfólki á virkinum og handaði mótmæli? Nei! Vit sóu tað jú øll í sjónvarpinum!
Var tað lygn, at tað loysti seg at mótmæla?
Nei! Vit arbeiða so nógv sum ongantíð fyrr!
So Jóannes Klein, her leyp tú framav.
Er hetta fólkafloks politikkur?
