Hetta er eitt persónsmál

– Hetta er eitt øgiliga órógvandi mál, sum er blást upp til at vera stórt, og tað tænir ikki føroyskum fótbólti. Eingin í starvsnevndini setti nakað spurnartekin ella gjørdi nakrar viðmerkingar til málið, tá tað var lagt fyri starvsnevndina í mai, sigur Niklas á Líðarenda, varaforseti í Fótbóltssambandinum

Hilmar Jan Hansen

30.10.2009 (11:16)

<style type="text/css">  </style>   Síðstu dagarnar hevur málið um Ísak Mikladal, aðalskrivara í Fótbóltssambandinum, fylt nógv í fjølmiðlunum, men hóast hetta, so heldur varaforsetin í Fótbóltssambandinum, Niklas á Líðarenda, ikki málið hava so nógv upp á seg, sum tað er gjørt til. – Hetta málið er øgiliga órógvandi mál, sum er blást upp til at vera stórt, og tað er ikki nakað, sum tænir føroyskum fótbólti. Málið bleiv lýst á einum starvsnevndarfundi í mai, har allir vóru við, men tá setti eingin nakað spurnartekin við nakað ella gjørdi nakrar viðmerkingar, segði varaforsetin í gjár í samrøðu við Rás 2. – Eisini hevur ein av monnunum hjá UEFA sagt mær, at hatta málið var einki mál og hevði einki upp á seg. Tí havi eg heldur ikki gjørt meira við tað. Samstundis ásannaði Niklas á Líðarenda, at Ísak Mikladal ikki hevur borið seg rætt at frá fyrstan tíð, og at hann ongantíð átti at verið farin upp í hetta við atgongumerkjunum til ukrainar yvirhøvur. – Eina ella aðrastaðni er hetta eitt privat mál hjá aðalskrivaranum, eitt persónsmál, sum eg ikki ordiliga dugi at síggja, at vit skulu viðgera. Men tað er øgiliga óheppið, at hann er farin upp í tað, segði Niklas á Líðarenda. – Stórur partur av nevndini metir ikki, at aðalskrivarin skal revsast so hart, sum aðrir partar av nevndini vilja. Tá vit høvdu fundin týskvøldið, var stórur partur av nevndini við uppá at geva manninum eina átalu fyri hetta og vóna, at hetta ikki kom fyri aftur. Men tað eru óivað aðrir, sum ikki vilja tað. <o:p> </o:p> Vánaligt stev<o:p></o:p> At forsetin í Fótbóltssambandinum, Høgni í Stórustovu, nú hevur vent sær til feløgini kring landið at taka eina støðu í málinum, heldur Niklas á Líðarenda onkursvegna avspegla ta sannroynd, at stevið millum forsetan og aðalskrivaran ikki hevur verið nóg gott, eins og tað heldur ikki hevur verið nóg gott í starvsnevndini sjálvari. – Frá degi eitt hevur tað verið øgiliga ringt at fingið stev í starvsnevndini. Nógvar niðurstøður og nógvar samtyktir eru gjørdar, men einki av tí er sett í verk. Aðalskrivarin, sum er eitt arbeiðsgrev av tí aðru verð, hevur ein vilja til at seta nøkur ting í verk, men tað hevur illa borið til, tí hann og formaðurin sampakka ikki, heldur varaforsetin. – Tað er ein tapari í hesum, og tað er føroyskur fótbóltur. Um Ísak fer ella onkur annar, so tænir tað ongum endamáli. Vit mugu fáa okkurt konstruktivt fram, so vit kunnu koma víðari.<o:p></o:p>

Hetta er eitt persónsmál

Mest lisið

Landið letur stuðul til stjórabilar men ikki til avlamisbilar

Sparingarnar hjá Ruth Vang koma ikki upp á tal

Myndir: FSF-fótbóltsskúli

Framdu eitt av aldarinnar brøgdum - FØROYAR ERU Í U21 HM-FJÓRÐINGSFINALUNI

Hans Edward er kokkur umborð á Gadus

U21 HM: Her er leinkjan til bólkafinaluna Danmark-Føroyar

Trump: Ísrael og Iran hava gjørt avtalu um vápnahvíld

Føroyar møta Noregi, Slovenia ella Eysturríki í fjórðingsfinaluni

Jon Hestoy settur sum høvuðsvenjari hjá Havnar Svimjifelag

VIDEO: PSG vann seg víðari saman við Botafogo (HM fyri felagslið)