Mangan hava vit hoyrt um ta ferð til Hetlands, sum Pløyen amtmaður skipaði fyri sjálvur fjórði í 1839. Tá fingu føroyingar høvi til við egnum eygum at síggja heimsins mest framkomna land. Men hvat lærdu teir, og kom nakað burturúr? Hetta kunnu vit nú lesa um í tí frálíku týðingini, sum Regin av Steinum her leggur fram við myndum og navna- og staðaryvirliti. Hetlandskort er við gomlu staðanøvnunum.
Tað er forlagið Stiðin, sum gevur út bókina.
