HM-fepur er í hæddini, og vit føroyingar stuðla landsliðunum hjá grannunum. Tað kann staðfestast sambært einari atkvøðugreiðslu á kenda facebook-bólkinum, Fótbóltskjak, har tilsamans 962 hava sagt hvørjum tey halda við.
41,68% av teimum spurdu siga, at tey halda við Íslandi. Tað er væl meira enn nummar tvey, sum er Ongland við 16,21%. Danmark er nummar trý við 10,60%. Triðja norðurlandið í HM, Svøríki, fær ikki eins góðan stuðul úr Føroyum: einans 0,51%.
Hvørjum føroyingar halda við í HM – topp 10:
1. Ísland 41,68%
2. Ongland 16,21%
3. Danmark 10,60%
4. Argentina 6,54%
5. Týskland 5,92%
6. Brasil 3,95%
7. Portugal 2,59%
8. Frakland 2,39%
9. Belgia 1,76%
10. Spania 1,03%
