Vit frætta úr HB leguni at liðið er sett og at hesir ellivu byrja á vøllinum.
Í málinum byrjar, sum so ofta áður, Teitur Matras Gestsson.
Í verjuni er René Joensen komin inn á høgra bakk, fyri Jógvan Róa Davidsen, ið er gliðin út. Hinir tríggir í verjuni eru Jóhan Troest Davidsen, Rógvi Holm og Alex José dos Santos. Jóhan Troest Davidsen og Rógvi Holm spæla í miðverjuni, meðan Alex José dos Santos spælir á vinstra bakki.
Mitt á miðvøllinum hevur HB venjarin valt tríggjar mans. Teir tríggir eru Fróði Benjaminsen, Heini Vatnsdal og Tróndur Jensen. Hetta er fyrstu ferð í nærum ein mánað, at Tróndur Jensen byrjar inni á HB liðnum.
Í síðunum spæla teir báðir, Levi Hanssen og Kristin Mouritsen. Sum skilst spælir Levi í høgru síðu, meðan Kristin spælir í vinstru síðu.
Fremsti maður hjá HB er nýggi áleyparin, Jóan Símun Edmundsson.
HB 4-3-3:
Teitur M. Gestsson - René Joensen, Rógvi Holm, Jóhan Troest Davidsen, Alex José dos Santos - Tróndur Jensen, Fróði Benjaminsen, Heini Vatnsdal - Levi Hanssen, Kristin R. Mouritsen, Jóan Símun Edmundsson.
