Klokkan 17:00 spæla Argentina og Sveis.
Lítil ivi man vera um, at Argentina er stórur favorittur til dystin í kvøld. Hóast spælið hjá Argentina ikki hevur verið so sannførandi í bólkaspælinum, fór Argentina tó víðari við fullum stigatali. Serliga FC Barcelona leikarin Lionel Messi hevur verið eyðsýndur og er hann toppskjútti á argentinska liðnum við 4 málum.
Seinasta áttandapartsfinalan er í kvøld klokkan 21:00. Tá spæla Belgia og USA.
Belgia hevur higartil livað upp til vónirnar, sum eitt av teimum mest spennandi liðunum til HM endaspælið. Belgia fór víðari úr bólki H við fullum stigatali.
USA er tó eitt lið, ið er trupult at vinna á. USA hevur bert tapt ein dyst higartil í HM endaspælinum og hann taptu teir tepurt 1-0 móti Týsklandi.
Argentina-Sveis klokkan 17:00
Belgia-USA klokkan 21:00
