Tilsamans hava 24 felagsskapir og fyritøkur, fingið stuðul frá landsstýrinum til neyðhjálp og menningarhjálp kring um í heiminum.Tað sigur Jenis av Rana, landsstýrismaður í uttanríkismálum.
Eyðgunn Samuelsen, tingkvinna fyri Javnaðarflokkin, hevur spurt hann, hvussu játtanin til neyðhjálp og menningarhjálp er brúkt í ár.
Játtanin er upp á níggju milliónir og hon vísir á, at hesi seinastu árini hava føroyskir hjálparfelagsskapir verið virknir í arbeiðinum at veita menningar- og neyðhjálp.
Jenis av Rana sigur, at í ár er játtanin brúkt soleiðis
Stuðul til menningarsamstarv:
Blái Krossur – 500.000 kr.
P/f Fiskaaling – 200.000 kr.
Chase Africa – 188.491 kr.
Guðrun & Guðrun – 71.960 kr.
New Life Africa International – 170.000 kr.
Mirjam/ABC Children’s Aid Kenya – 68.533 kr.
Heimamissiónin/SAT7 Academy – 303.782 kr.
Action Aid – 415.890 kr.
Føroyska Barnahjálpin – 26.500 kr.
ChildeHope UK – 362.556 kr.
Í hesum sambandi sigur landsstýrismaðurin, at Guðrun & Guðrun søktu um 133.000 krónur í stuðuli, men ein partur av umsóknini var til virksemi, ið er uttan fyri tað, ið stuðul kann latast til.
Føroyska Barnahjálpin søkti um 52.200 amerikanskar dollarar í stuðuli, men ein partur av umsóknini var til virksemi, ið fellur innanfyri tað, ið stuðul kann latast til.
Stuðul til neyðhjálp:
Reyði Krossur Føroya – 2.000.000 kr.
Mercy Ships – 200.000 kr.
Open Doors – 1.000.000 kr.
Action Aid – 100.000 kr.
Mirjam – 100.000 kr.
Life for a Child Føroyar – 150.000 kr.
Skandinaviska Barnamissiónin – 50.000 kr.
ABC Children’s Aid Pakistan – 46.185 kr.
ABC Children’s Aid Philippines – 43.106 kr.
Næstin/NLAI – 100.000 kr.
OM Føroyar (Tadjikistan) – 500.000 kr.
OM Føroyar (Miðeystur) – 500.000 kr.
Beirut, Libanon (landsstýrið, ígjøgnum Reyða Kross) – 500.000 kr.
World Food Program – 1.402.276 kr.
Viðmerkjast skal, at í summum førum er stuðulin útgoldin í útlendskum gjaldoyra og ómaksgjøld í hesum sambandi eru drigin frá.
