24 listafólk og rithøvundar fáa í alt 70 mánaðir at arbeiða í frá Mentanargrunni Landsins.
Tey trý, sum fingu mest í starvsløn frá mentanargrunninum, vóru Marjun Syderbø Kjelnæs, rithøvundur, 3 ár, Jóhannus á Rógvu Joensen, tónleikari, 6 mánaðir og Jens L. Thomsen, tónleikari, 6 mánaðir.
Tilsamans vórðu latnar 94 mánaðarlønir fyri slakar 2,2 milliónir til týðingar og listaligt og mentanarligt arbeiði.
Í tíðindaskrivi sigur grunnurin, at 72 umsøkjarar søktu um starvsløn fyri umleið 28 milliónir krónur, og av teimum vóru 27 umsóknir játtaðar.
Ongin íverksetanarstudningur varð latin í ár.
Endamálið við Mentanargrunni Landsins er, at styðja starv fyri føroyskum máli, bókmentum, list, vísindum og øðrum mentanarmálum bæði hjá leikum og lærdum.
Grunnurin skal serliga stuðla tiltøkum og verkætlanum, sum kveikja og menna føroyska myndlist, tónlist, bókmentir, sjónleik og aðra list, sum kann javnmetast við hesar listagreinir.
Í nevndini fyri mentanargrunnur sita Jóanna Djurhuus, forkvinna; Ivan Niclasen, næstformaður; Steintór Rasmussen, Malan Marnersdóttir og Judith Johannessen.
Starvslønin svarar til eina lærararaløn um mánaðin.
Marjun Syderbø Kjelnæs 3 ár
Jens L. Thomsen 6 mánaðir
Jóhannus á Rógvu Joensen 6 mánaðir
Marianna Hoydal 4 mánaðir
Marianne Clausen 4 mánaðir
Hans Egholm 3 mánaðir
Helle T. Johansen 3 mánaðir
Inger Smærup Sørensen 3 mánaðir
Jústinus Leivsson Eidesgaard 3 mánaðir
Súsanna Tórgarð 3 mánaðir
Anna Kristin Bæk 2 mánaðir
Astrid MacDonald 2 mánaðir
Hugin Eide 2 mánaðir
Kirsten Brix 2 mánaðir
Ole Wich 2 mánaðir
Tóroddur Poulsen 2 mánaðir
Arnbjørn Ólavsson Dalsgarð 1 mánaður
Elin Henriksen 1 mánaður
Guðrið Hansdóttir 1 mánaður
Jóhan Martin Christiansen 1 mánaður
Jóhan Mortensen 1 mánaður
Lena Anderssen 1 mánaður
Magnus Johannessen 1 mánaður
Niclas Johannesen 1 mánaður
Oddfríður Marni Rasmussen 1 mánaður
Sólrun Mohr 1 mánaður
Terji Rasmussen 1 mánaður
