Hesi eru saknað:
- Eirik Grønolen (31)
Er saknaður eftir at Nystulia 38 hvarv í skriðulopinum. Sambært NRK sluppu sambúgvi hansara og hundurin undan í øllum góðum.
- Ann-Mari Olsen-Næristorp (50)
Saknað saman við dóttrini Victoria Næristorp-Sørengen (13)
Maðurin hennara sigur við VG, at hann seinast sá Ann-Mari og dóttrina Victoriu, tá tey øll trý royndu at sleppa út úr húsinum, meðan skriðan leyp.
- Victoria Emilie Næristorp-Sørengen (13)
Dóttir Ann-Mari Olsen-Næristorp (50), sum eisini er saknað.
- Irene Ruud Gundersen (69)
Búði í Nystulia 4, sum fór í skriðuni, og hon náddi ikki at sleppa sær á dyr. Dóttir hennara, Nina Christine Gundersen, skrivar á Facebook, at systirin og pápin komu út úr húsinum og hava fingið lættari skaðar og eru á sjúkrahúsi.
- Rasa Lasinskiene (49)
Var úti við hundinum, áðrenn hon skuldi til arbeiðis. Maður hennara tosaði við hana í telefon, tá sambandið brádliga reyk, hevur hann greitt Bergens Tidende frá.
- Charlot Grymyr Jansen (31)
Er saknað saman við manninum, Bjørn-Ivar (40) og dóttrini Almu (2) eftir at íbúðin í Nystulia 39 hvarv í skriðuni. Tey skuldu hava smá í februar. Tey vóru heima í Nystulia, tá skriðan leyp.
- Alma Grymyr Jansen (2)
Er saknað saman við mammuni Charlot Grymyr Jansen (31) og pápanum Bjørn-Ivar Grymyr Jansen (40).
- Bjørn-Ivar Grymyr Jansen (40)
Er saknaður saman við konuni Charlot Grymyr Jansen (31) og dóttrini Alma (2).
- Marius Brustad (29)
Var á jólavitjan hjá mammuni Lisbeth Neraas (54) í Nystulia, sambært Romerikes Blad.
- Lisbeth Neraas (54)
Búði í Nystulia 42. Mamma Marius Brustad (29), sum eisini er saknaður.
