Nú seinnapartin í dag hevur Johnleif Gerðisá lagt eina heilt serstaka mynd út á Facebook-vangan, Túnatos í Nes kommunu.
Yvirskriftin er "Hesi eru 300 ár tilsamans".
- Hin 27. juni bleiv Lena Joensen 100 ár, og hin 18. oktober bleiv Jákup Mikal Mikkelsen 100 ár.
Og í dag, hin 11. november, fyllir Andrea Poulsen úr Saltangará 100 ár.
- Øll búgva á Vesturskin; har man vera gott at búgva. Tillukku Andrea, leggur Johnleif Gerðisá aftrat.
Vit kunnu leggja aftrat, at Vesturskin er eldrasambýlið á Toftum.
