Tað var stór undirtøka fyri valinum til Umboðsráðið hjá Tryggingini. Tað skuldu veljast 17 nýggir limir í Umboðsráðið og meira enn ein triðingur av tryggingartakarunum tót lut í valinum
35 fólk stillaðu upp til valið. Heili 8.177 atkvøður vóru komnar inn, tá freistin var úti týsdagin. Tilsamans vóru 23.226 atkvøður hjá tryggingartakarunum hjá Tryggingarfelagnum Føroyum leysar. Hetta er ein valluttøka á 35,2%.
Flest atkvøður fekk Ingeborg Godtfred, sum longu hevur sitið trý valskeið í Umboðsráðnum. Ingeborg, sum fekk heili 940 persónligar atkvøður, situr eisini í løtuni í nevndini hjá TF Holding. Seks av valdu limunum hava ikki sitið í Umboðsráðnum fyrr, meðan 11 eru endurvald.
Teir 17 limirnir, sum eru valdir inn í Umboðsráðið hesuferð eru: Navn: Atkvøður:
Hesi vórðu ikki vald: Hesi vóru ikki vald á hesum sinni:
Hetta var fyrsta Umboðsráðsvalið, har allir tryggingartakarar hjá Tryggingarfelagnum Føroyum fingu atkvøðuseðil sendandi við postinum. Til valini, sum hava verið higartil, hevur tryggingartakarin sjálvur verið noyddur at biðja um atkvøðuseðil. Tryggingin sigur, at broytingin vísir tí eina munandi øking í undirtøkuni til Umboðsráðvalið. Heilar 8.177 atkvøður komu inn í ár, meðan 3.997 komu inn til síðsta val í 2012. |
