Á Norðoyastevnu fóru Eysturoyingur og Klaksvíkingur stavn um stavn um málið.
Í dag var kappingin aftur tøtt millum júst hesar báðar bátarnar.
Eysturoyingur legði skjótt Klaksvíking afturum seg. Munurin var onkra løtuna meiri enn ein hálv bátslongd. Men í endaspurtinum vóru klaksvíkingar boysnir. Á málinum var munurin skuturin, og tað eigur at vera ábending um, at tað eisini í næstu róðrunum fer at verða spennandi.
Ormurin Langi, sum endaði aftastur, var leingi ikki so nógv aftanfyri hinar, men á málinum var munurin meiri enn tvær bátslongdir millum Klaksvíking og Ormin Langa.
10 mannafør
1 Eysturoyingur 09:23.17
2 Klaksvíkingur 09:24.09
3 Ormurin Langi RK 09:33.19
Støðan í FM
1 Eysturoyingur 14
2 Klaksvíkingur 12
3 Ormurin Langi RK 10
