Ørnin úr Sandavági plagar at standa seg væl í kappingini millum kvinnur. Í fjør vóru tær FM vinnarar.
Í ár hava tær úr Sandavági ikki gjørt so nógv um seg. Men í dag gekk upp á stás hjá teimum. Ørnin var fyrst á mál, og sigurin var trivaligur.
Sílið, sum vann á Norðoyastevnu, svam fram um hinar beinanvegin, men tað var skjótt, at Ørnin blandaði seg. Eina løtu stóð kappingin millum Ørnina og Sílið, men so glapp hjá Ørnini, og á málinum var báturin úr Sandavági leysur av Sílinum.
Vinnarin á Sundalagsstevnuni í Hvalvík, Frúgvin úr Miðvági, var alla tíðina frammarlaga, uttan at tað eydnaðist henni at blanda seg í stríðið um fremsta plássið.
Fípan Fagra var eisini væl við. Tær í Klaksvík kappaðust við tær í Miðvági um triðja plássið, men hesa ferð endaði Fípan á fjórða plássi.
FM kappingin ímillum kvinnur í 5-mannaførum er meiri spennandi, enn hon kanska er tað nakra aðra staðni. Sum støðutalvan vísir, so eru fýra bátar væl við í kappingini um fremsta plássið.
Jóansøka 2007 - 5 mannafør kvinnur
1 Ørnin 05:18.24
2 Sílið 05:21.12
3 Frúgvin 05:24.17
4 Fípan Fagra 05:24.21
5 Ritan 05:27.03
6 Teistin 05:27.06
7 Jallurin 05:36.05
8 Erla Kongsdóttir 05:50.12
9 Blikur 05:58.15
Støðan í FM - 5 mannafør kvinnur
1 Sílið 16
2 Frúgvin 14
3 Fípan Fagra 12
4 Ørnin 12
5 Teistin 7
6 Ritan 5 1G
7 Jallurin 0
8 Blikur 0
9 Erla Kongsdóttir 0
Fyribilsstartrøðin á komandi stevnu
1 Erla Kongsdóttir
2 Teistin
3 Fípan Fagra
4 Sílið
5 Ørn
6 Frúgvin
7 Ritan
8 Jallurin
9 Blikur
