Løgreglan í Havn hevur um vikuskifti fingið fleiri fráboðanir frá bæði bileigarum og bilsølumonnum um herverk á ognarlutir teirra.
- Slík herverk henda av og á, men hetta vikuskiftið var heldur meiri enn vanligt av slíkum, sigur vakthavandi á Politistøðini.
Í einum føri hava ótangar framt herverk móti fleiri bilum í sama øki. Umframt at hava gjørt skeinur á bilarnar, hava teir eisini gjørt rættiliga umfatandi herverk inni í sjálvum bilunum.
Á eini bilsølu kundi eigarin somuleiðis staðfesta, at fleiri av hansara bilum hava verið offur fyri herverki um vikuskiftið.
