Hergeir á Mýrini hevur framsýning á Listaveggingum hjá Eik í Miðvági í
august.
Hergeir er sandavágsmaður, føddur í 1944. Sum ungur fór hann í
snikkaralæru fyrst í 60-unum. Í 1965 flutti hann til Íslands og hevur búð
har síðani.
Hergeir hevur altíð málað av og á. Hann hevur nomið sær vitan á ymsum
skeiðum innan tekning, vatn- og oljulitir.
Nú hann er blivin pensiónistur, nýtir hann meira tíð til málningalistina.
Hergeir hevur verið við á ymsum framsýningum í Føroyum, eitt nú á
Ólavsøkuframsýningum hjá Lions, eisini hevur hann sýnt fram á
Vestanstevnum, eins og hann hevur havt sjálvstøðugar framsýningar.
