Víkingur vann seg í dag víðari í kappingini um Løgmanssteypið, tá teir vunnu útidystin móti B68 á Svangaskarði 6-1.
Toftamenn loyptu annars hvøkk á Víkingarnar fyrstu løtuna, tí B68 legði seg á odda 1-0 tíðliga í dystinum við máli frá Otto Reinert Petersen.
Men støðan helt sær ikki leingi, og tað sum eftir var av dystinum vóru verandi føroyameistararnir greitt omaná á Svangaskarði.
Omanfyri ber til at síggja video frá dystinum, sum Jóhan Thomsen hevur tikið upp.
