NSÍ er í einari góðari gongd í Effo-deildini. Teir vunnu í gjárkvøldið 2-1 á útivølli móti AB, sum var fjórði sigurin á rað hjá teimum í Effo-deildini.
Teir hava sostatt sett trýst á KÍ á fyrsta plássinum, tí nú er NSÍ bert tvey stig aftanfyri.
Í sigrinum hjá NSÍ í gjárkvøldið skutu Jónleif Højgaard og Klæmint A. Olsen málini fyri NSÍ, meðan Patrik Johannesen javnaði fyri AB.
Omanfyri ber til at síggja samandráttin frá dystinum millum AB og NSÍ.
