Leikvøllurin, sum er heimavøllur hjá En Avant Guingamp, ið dagliga spælir í næstbestu fronsku deildini, rúmar 18.040 áskoðarum.
Í gjárkvøldið søgdu umboð fyri leikvøllin seg rokna við, at tað verður fullsett, tá Frankaríki og Føroyar bresta saman í kvøld.
Við øðrum orðum vera umleið 18.000 franskmenn á Stade de Roudourou, meðan føroyingarnir ikki vera nógvir í tali.
Við føroyska ferðalagnum, sum fór úr Føroyum mikudagin, vóru eini 15 áskoðarar, so hesir fáa úr at gera, um teir ætla at kappast við fronsku fjeppararnar og teirra »Allez les Bleus«.
