Tey hava havt úr at gera á Hotel 62 Norð seinastu tveir dagarnar.
- Higartil í dag hava vit havt 70 gestir, og tað koma fleiri sum dagurin gongur. Í gjár høvdu vit 200, so her er nokk at gera, sigur Beinta Tausen á Hotel 62 Norð.
Tey royna at halda seg kláran, tá hann boðar frá mjørka, men tað er ikki altíð so lætt.
- Vit vita tað ongantíð fyrr enn beint áðrenn, so tað ræður um at handla skjótt, sigur Beinta Tausen.
Tað er tó eingin vandi, tí tey hava fólk á stand-by, sum kunnu traðka skjótt til. Og tað er jú gott fyri hotellið, tá ið mjørki darvar ferðsluni. Men tó ikki so gott, at tey beinleiðis ynskja mjørka.
- Nei, tað vi eg kortini ikki siga, sigur Beinta Tausen.
Beinanvegin tú kom á hotellið bar tað brá av nógvum virksemi. Kuffert og ferðataskur stóðu um allan geingin. Summu tóku tað væl og onnur minni væl, men har var bara ein uppskrift móti illum ferðafólki.
- Tað er at smílast og siga, at vit føla við teimum, so gongur tað nokk, sigur Beinta Tausen frá Hotel 62 Norð.
