Barcelona – Bayern Munchen og Juventus - Real Madrid. Tað eru hálvfinalurnar í Champions League.
Tað er greitt, eftir at lutakastið var í dag. Hetta merkir, at Pep Guardiola við sínum Bayern Munchen skal spæla móti gamla felagnum, Barcelona. Fyrri dysturin verður í Barcelona.
Real Madrid hevur enn møguleikan, at verða fyrsta felagið, sum endurvinnur Champions League heitið. Teir møta Juventus, sum hevur heimavøll í fyrra dystinum.
Fyrru hálvfinalurnar verða spældar 5. og 6. mei, meðan seinnu hálvfinalurnar verða 12. og 13. mei.
