Eftir ársskiftið verður føroyska sjónvarpsrøðin »Trom« sýnd á Viaplay, og nú hevur miðlafyritøkan kunngjørt fyrstu myndirnar frá røðini.
Ulrich Thomsen hevur høvuðsleiklutin sum Hannis Martinsson, og aðrar stórar leiklutir hava Maria Rich og Olaf Johannessen.
– Føroyska náttúran er vøkur, men eisini ein kørg uppliving, og hon er ein týðandi viðspælari í »Trom«, sigur Ulrich Thomsen við Viaplay.
»Trom« byggir á krimisøgur hjá Jógvani Isaksen. Røðin snýr seg um Hannis Martinsson, sum leitar heim aftur til Føroya, eftir at ein kvinna, sum sigur seg vera dóttur hansara, heldur seg vera í lívsvanda.
»Trom« er í seks pørtum, og røðin verður sýnd stutt eftir ársskiftið. Enn hevur Viaplay ikki sett neyvan dagfesting á frumsýningina.
Niðanfyri síggjast myndir frá røðini.
##med2##
##med3##
##med4##
